proposal

Timor Leste hanesan nasaun ida nebe mak foin ukun-an iha tinan hirak liu ba, nebe mak presiza tebes tulun husi nasaun sira seluk hodi halao dezenvolvimento iha nia rain rasik maske nune’e nasaun ida ne’e sei presiza mos tulun husi juventude iha timor laran tomak tamba juventuda mak hanesan ai-rin no futuru nasaun nian. Ho ida ami juventude iha Aldeia Sorulua Suco Souro hakarak organiza-an hodi partisipa ba dezenvolvimento nebe mak haleu iha timor laran tomak liu-liu iha ami nia Aldeia Rasik (Sorulua). Ho nune’e ami juventude iha aldeia ida organiza ami nia an hodi hari Grupo ida ho naran Rei-Lari nebe hanesan mos grupo ida nebe mak foin moris/hari’i ho nia misaun katak atu fo asistencia ba iha ami nia aldeia ida ne’e katak atu ajuda guverno hodi halao dezenvolvimento iha baze. Alende ida ne’e, ami mos iha vizaun katak atu lori juventude iha aldeia ida ne’e hodi ba partisipa iha dezenvolvimento nasaun nian.

Ami nia grupo ida ne’e hari’i tamba, ami hare juventude barak mak lao namkari hodi ba buka problema deit nunka organiza-an hodi halo buat ruma atu fo ajuda ba nasaun ida ne’e tamba ami juventuda husi Aldeia ida ne’e hakarak hari grupo ida hodi bele akumula juventude iha ami nia aldeia hodi bele partisipa iha dezenvolvimento ida ne’e tamba iha lia fuan ida hateten katak “Labele Husu Ba Nasaun Saida Mak Nasaun Halo Ba O, Maibe Husu O Nia An Saida Mak O Halo Ba Nasaun”. Ami mos iha strutura grupo nian mak hanesan tuir mai ne’e:

Coordenador Julião F Da Cruz

Administrasaun Rojentina Fernandes

Vice Coordenador Marçal Fernandes

Sekretaris Alariko Lopes

Logistik Olivio Fernandes

Komunikasaun Sosial Sergio Da Costa

Baseia ba strutura iha leten, ami grupo Rei-Lari sei hamutuk nafatin ho membro tomak atu hasoru problema nebe mosu iha ami nia aldeia hodi halao dezenvolvimento iha aldeia laran hamutuk ho komunidade tomak. Ami prontu atu halao dezenvolvimento nebe mak tama iha aldeia laran baseia ba strutura nebe iha leten, tan ne’e ami husu ba ita bo’ot sira atu fo fiar ba ami hodi ami bele halao aktividade nebe mak akontense iha aldeia laran atraves husi ita bo’ot sira nia ajudo. Ida ne’e mak ami nia hanoin no ba ita bo’ot sira nia kola borasaun ami husu obrigado wain.